Le Direct

La Squadra Corsa va rencontrer la FFF pour demander un statut identique à celui des DOM-TOM

(A ridazzioni d'Alta Frequenza) - A Squadra Corsa hè sempri in circa di ricunniscenza. Da quì à pocu, hà da avè un appuntamentu cù i stituzioni llu ballò francesu, da dumandà li un statutu paru à quiddu lli DOM-TOM. Dopu à u ricusu di a fidirazioni internaziunali, i dirighjenti ripiddani a strada, da fà avanzà issu cartulari.

À senta li, ci saria dinò di chì rifletta par ciò chì tocca à l’avvena llu ballò in Corsica, è à quiddu lli ghjucadori isulani.

Dici Dedè di Scala chì a scumissa impurtanti, hè quidda d’un’arradichera ecunomica. Par quissa, à ciò ch’iddu ci dici, ci sò soci fidi à issa dimarchja, è da quand’idd’asisti, com’è Vito Corsica.

Steti à senta à Dedè di Scala à nomu lla Squadra Corsa.

A cullaburazioni trà Vito Corsica è A Squadra Corsa si scrivaria, à senta li, in un’andatura cumuna è cù valori spartuti da i primi ori. Prisenza par tuttu u tarritoriu è valurisazioni lla lingua corsa sariani d’issi punti cumuni ch’iddi volini difenda tremendui.

I spiicazioni di Jérémy Maudoux, à nomu di Vito Corsica