Football (Ligue 2) - Le SC Bastia touche le fond face à Pau (1-4)
Pà l’uttesima ghjurnata llu campiunatu di siconda divisioni, u SC Bastia si hà presu un schiaffu in casa soia, pirdindu contru à Pau cù un marcu di 4 à 1.
Passati 25 minuti di pessima qualità, Saivet ingannaia à Placide.
U cullittivu bastiacciu paria privu di ghjudiziu, è i scelti tecnichi di l’addistradori ùn erani asatti à capì.
Dopu à 39 minuti di ghjocu, Santelli era sclusu, par avè datu un calciu in u schincu à un ghjucadori di Pau.
Dopu à u posu, malgradu i cambiamenta, nudda cambiaia pà i bastiacci.
Ripiddendu di capu un calciu d’angulu, Bassouamina mittia un marcu in più in a cabbia turchina.
Passati 62 minuti, è gramazia à una passa in daretu faltata da Pau, Conte marcaia par Bastia.
Ma ghjunta à 79esima minuta, dopu ch’iddu achi persu u ballonu Vincent, Saivet marcaia dinò, Placide issendu beddu luntanu da a so cabbia.
È Njoh, infini, mittia u quartu marcu di Pau dopu à 82 minuti di ghjocu.
À a classifica, Bastia hè 14esimu, cù dui punti d’avanzu à nantu à l’ultimu.
Sur le même sujet
