Football (Coupe de France) - Le GFCO Ajaccio crée la sensation en battant Toulouse (1-0)
(A redazzioni d'Alta Frequenza) - U GFCO Aiacciu crea a suspresa pà issi 32i di finali di a Cuppa di Francia. In fatti, u Gazélec, furmazioni di Naziunali, hà eliminatu issu dopu meziornu (dumenica) u Toulouse FC, squadra di Lega 1, in Mezavia una reta à zeru. Dopu à un primu periudu duminatu largamenti da i ghjucadori di Dumè Veilex, a salvezza di iss'ultimi hà da vena ghjustu dopu à a pausa. À a 47a minuta, dopu à un corner, Mickaël Colloredo manda cù forza u ballò ind'i reti di Ahamada, dendu un'avanza difinitiva à i soi. "Diavuli Rossi" chì sarani stati sulidarii, curaghjosi è solidi ind'ogni parti di ghjocu. L'Aiaccini buscani di u colpu u so ticchettu pà i 16i di finali di issa prova di prestigiu ; una dumenicata d'oru pà u ballò corsu postu chì, rammintemula, l'AC Aiacciu è u Sporting Club di Bastia si sò qualificati anch'elli arisera (sabbatu) pà u prossimu ghjiru. Iss'ultmi cunnosciarani i so avversarii in principiu di sirata (dumenica) dopu à a scelta à a sorti fatta à a sedia di a FFF.
Ecoutez Dominique Veilex, l'entraîneur ajaccien, à l'issue du match.
Sur le même sujet
