SNCM : la Cour de justice de l'Union européenne condamne la France
(A redazzioni d'Alta Frequenza) - Ssu ghjovi, a Corti di ghjustizia di l'Unioni aurupea hà cundannatu a Francia par ùn avè micca ripresu l'aiuti ghjudicati com'è micca legali da Bruxelles, virsati à a SNCM trà u 2007 è u 2013, di 220 millioni d'auri. Pà l'istituzioni ghjudiziaria, a Francia ùn era micca inde l'impussibilità assuluta di ripighjà l'aiuti, ùn hà micca suspesu u virsamentu di l'aiuti micca legali u 3 di maghju di u 2013, ma solu u 23 di lugliu di a listessa annata è, ùn hà micca infurmatu da un'antra banda a Cumissioni di i misuri presi ind'i dui mesi dopu à a nutificazioni di a dicisioni di lita. Ramintemi chì a Cumissioni aurupea avia dumandatu à u Statu di riguarà ssi suvvenzioni nanzi à u 3 di sittembri di u 2013. A Corti dà dunqua l'ordini à a Francia di cunfurmassi à l'arrestu, o tandu saria tocca da cundanni impurtanti.
