Patriotti in lotta et de l'Associu Aiutu Patriotticu montent au créneau pour défendre le cas d’Olivier Sauli
In fin’di sittimana passata, Patriotti in Lotta è l’associu Aiutu Patriotticu ani fatu una cunfarenza di stampa in Portivechju.
I dui urganisazioni di difesa di i prighjuneri è anziani prighjuneri pulitichi si sò fatti senta par difenda u casu d’Olivier Sauli, scrittu com’è tanti altri militanti à u cartulari naziunali di i parsoni chì ani intirdizzioni d’acquistà o pusseda armi, u cusì dittu FINIADA.
« A ciandarmaria l’avia fattu sapè ch’idda era finita à so scrizzioni à u FINIADA, po’ fatta fini, è pocu tempu dopu, hè fattu u passu in daretu à liveddu d’issa infurmazioni » spiecani Patriotti in Lotta è Aiutu Patriotticu.
Issa misura l’impidisci di fà validazioni di u so permessu di caccia è di pusseda un’arma di caccia, è quissa li faci privazioni d’un usu culturali nosciu anticognu.
Issa situazioni ùn la poni accittà i dui associ di difesa lli prighjuneri, chì a cunsidarighjani « inghjusta è alluntanata bè da i discursi d’un appacià »
Steti à senta à Emmanuelle Dominici.
