Le Direct

Municipales à Bastia : Jean-Sébastien de Casalta développe son programme

Duminica, Jean-Sébastien de Casalta, i so culistieri è i so sustegni ani prisintatu à a stampa u so prugrama pà i municipali di Bastia.
U rinovu di l’alloghju suciali o u trattamentu lli rumenzuli, si n’era aghjà parlatu calchì sittimana fà. Issa volta, si hè parlatu di u staziunamentu. Prumetti u candidatu di fà dui parcheghji mentri u so mandatu : unu di 800 piazzi in Toga, chì custaria da 8 à 10 000€ à piazza, è unu di 792 piazzi suttu à a Piazza San’Niculaiu, in appicciu à quiddu d’avali, è chì custaria 30 000€ à piazza.

Ma si hè parlatu dinò di robba suciali, è Jean-Sébastien de Casalta pruponi, par quiddi chì stani in Bastia chì sò 3 anni à u minimu, è sicondu i so risorzi, un minimu suciali assicuratu. Saria un aiutu, u tempu d’avvià à quiddi chì n’ani bisognu versu situazioni menu dilicati. Par quissa, ci vurria un bughjettu di 1,2 miliona à l’annu.

Stemu à senta à Jean-Sébastien de Casalta.