Les médecins de ville peuvent prescrire de l'hydroxychloroquine, selon Maître Krikorian, qui explique une décision du Conseil D’État
I medichi libarali, in cità o campagna, pudariani fà prascrizzioni d’idrussiclurochina !
Quissa saria stata a dicisioni di u Cunsigliu di Statu di u 22 d’aprili, à senta à l’avucatu marsigliesu Philippe Krikorian, chì avia spostu una dumanda di ricorsu in suspinsioni.
U Cunsigliu di Statu ùn hà suvitatu à l’avucatu in a so dumanda di ricunniscenza d’un « abusu di puteri » ch’idd’avaria fattu u guvernu, cù u so arrestu di u 23 di marzu ch’impidisci a prascrizzioni llu Palquenil fora di i spidala.
Ma inveci, à senta à Philippe Krikorian, a stituzioni hà resu à i medichi u so drittu di prascrizzioni.
L’avucatu marsigliesu mintuvighja u ghjudici lli ricorsi, chì dici chjaramenti, vistu l’articulu L. 5121-12-1 di u Codici lla Saluta Publica – quiddu puntatu da a so dumanda – chì l’idrussiclurochina pò essa data attualmenti da i medichi di cità, è ch’idda pudaria ancu essa data, arrimbendu si à iss’articulu, à i parsoni tocchi da u Covid19.
« A quistioni, oramai, ùn hè più quidda di a legalità, ma quidda di a rispunsibilità », postu chì, in cuscenza è rispunsabilità, u lighjislatori dumanda à u medicu di prascriva a midicina cù un’altra indicazioni chè quidda privista à l’epica di a so missa in vendita » pricisa Philippe Krikorian.
Pudaria avali affaccà un’altru cunflittu, ind’idda s’uppunaria a prascrizzioni llu medicu à u ricusu di rimissa ch’iddu faria u spiziali. L’affari pudaria essa risoltu cù a intirvinzioni di i so ordini rispittivi.
À senta à Philippe Krikorian, tocca avali à u guvernu, in cunfurmità cù l’articulu L. 3131-15, 9° CSP, di piddà i misuri da ch’idda sichi missa a dispusizioni a midicina, vali à dì di pruducia ni à bastanza.
Steti à senta à Philippe Krikorian.
Sur le même sujet
