Langue corse : Jean-Guy Talamoni va rencontrer le ministre de l'Éducation Nationale Jean-Michel Blanquer le 19 février
(A ridazzioni d'Alta Frequenza) - Jean-Guy Talamoni, u prisidenti di l’Assemblea di Corsica, devi scuntrà, u 19 di frivaghju, à Jean-Michel Blanquer, u ministru di l’aducazioni naziunali. Dici, in un cumunicatu di stampa, ch’iddu cunsidarighja chì a riforma llu baccu « porta una perdita maiori par ciò chì tocca à u insignamentu lla lingua corsa in liceu » è ch’idda dà « a cunfirma d’un’andatura à veru ideulogica è di divisioni ». Dici dinò, Jean-Guy Talamoni, ch’iddu hà da difenda, in a so discursata cù u ministru, issi pusizioni pulitichi : quidda d’una scola chì devi cuntribuì à veru à a custruzzioni d’una sucità bislingua, quidda di a stesa giniralizata di l’insignamentu bislinguu da a materna à u baccu, è infini quidda lla scrizzioni lla disciplina « lingua è cultura corsa » in a basa cumuna di cultura.
