Le Direct

L'Ile-Rousse : le Conseil d'Etat confirme l'annulation de l'élection municipale de mars dernier

(A redazzioni d'Alta Frequenza) - U Cunsighju di Statu hà righjittatu ssu vennari a dumanda di Jean Joseph Allegini Simonetti, elettu merri di L'Isula Rossa dopu à l'alizzioni di marzu scorsu. Ss'ultimu avia postu in fatti davanti à l'Alta autorità un ricorsu in annulazioni di a dicisioni di u tribunali amministrativu di Bastia chì avia annulatu u scrutinu municipali u 19 di ghjunghju scorsu. Ramintemi chì Hyacinthe Mattei, chì avia postu u ricorsu in annulazioni, avia dinunziatu una gattiva urganisazioni di l'alizzioni chì avaria privu un numaru assai impurtanti d'alittori di cabini di votu. C'era un scartu di 75 voti trà i dui candidati. Oghji, u Cunsighju di Statu hà dunqua cunfirmatu chì l'alittori di L'Isula Rossa duvarani andà à vutà torna da quì à pocu.