Grande manifestation du Collectif Simu di stu paese le 3 mai à Bastia
(A redazzioni d'Alta Frequenza) - U Cullettivu "Simu di stu paese", criatu solu calchì sittimana fà, è chì adunisci parechji sindicati è partiti pulitichi isulani, o ancu membri di a sucità civili, urganizava in mità di sittimana una riunioni publica in Corti. Quissu quì hà vulsutu rammintà i so rivindicazioni rilativi à una revisioni di a Custituzioni, par asempiu pà ciò chì tocca a cuufficialità di a lingua corsa, un statutu di residenti, o ancu un statu fiscali dirugatoriu. Dopu à ssa riunioni publica, chì hà cunnisciutu un bellu successu, a dicisioni hè stata presa d'urganizà u 3 di maghju in Bastia una manifestazioni unitaria maiò pà fà valè ssi rivindicazioni di pettu à l'istanzi pulitichi naziunali i più alti. Una tappa in più pà metta in ballu un raportu di forza demucraticu cù u Statu, com'ellu a ci dici Petru Vesperini, pà u Cullettivu "Simu di stu paese".
Steti à senta à Petru Vesperini.
