U Partitu di a Nazione Corsa porghje u so sustegnu à u Cunsigliu Municipale di Tuminu
- 17/04/2024
- Corse Société
-
Lingua corsa
Photo facebook PNC
"U Partitu di a Nazione Corsa porghje u so sustegnu à u Cunsigliu Municipale è à u merre, François Orlandi, di a cumuna capicursina di Tuminu.Salutemu a so decisione curagiosa inquant’à u ricusu di vede a so torre antica diventà un alloghju turisticu.U periculu di spusessu ci hè sempre, quì è in altrò.
Per contu nostru, u patrimoniu storicu, ci vole ch’ellu fermi abeternu a parte più sacra è preziosa di e nostre ricchezze cumune.Dumandemu di manera sulenne à a Cullettività di Corsica di piglià e so rispunsabilità senza tricà.Li tocca oramai à pusiziunassi di modu chjaru à u scopu d’aiutà a cumuna di Tuminu à accimà u so ogettivu legitimu.
Aspettanu l’eletti capicursini per u so paese una suluzione ghjusta è rispettosa di a memoria isulana.Sia cum’ella sia, i naziunalisti corsi ch’è no simu ùn si lasceranu mai spatrunà di ciò ch’hà fattu a storia di a nazione Corsa dipoi seculi è seculi"
