Football (National) - Le CA Bastia s'impose à Épinal et peut encore se maintenir (1-0)
(A redazzioni d'Alta Frequenza) - Infini, u CA Bastia sarà bè in corsa pà u mantenimentu fin'è l'ultima ghjurnata di ssu campiunatu di Naziunali. In fatti, i cabisti ani vintu 1-0 in Epinal grazia à una rialisazioni di Bosqui à a 74ima minuta. Ma, u più impurtanti hè chì Chambly hà persu 2-0 in Colmar, mentri chì Colomiers hà persu 1-0 contr'à Le Poiré sur Vie. Di fattu, u scenariu hè à tempu assai simplici ma dinò assai difficiuli pà u CA Bastia chì t'hà 31 punti ed hè 16imu. Simplici parchì ci vularà à vincia in tutti i casi, è spirà chì Chambly, prima squadra fora di a zona rossa cù 34 punti pirdissi è chì Colomiers, prima squadra ind'a zona rossa cù 32 punti ùn vinci micca, postu chì u CAB t'hà un goal average più bonu di pettu à i dui altri squadri. Difficiuli parchì duranti l'ultima ghjurnata, u CA Bastia hà da riceva u sicondu di Naziunali, u Parighji FC, chì ùn hè ancu sicuru d'essa in Liga 2. Ma a spera di u mantenimentu, ancu s'ella hè chjuca, hè sempri quì.
