Football (Ligue 2) - Le Sporting s'impose dans les arrêts de jeu à Metz (0-1)
(A redazzioni d'Alta Frequenza) - In Lega 2, u Sporting Club di Bastia s'hè buscatu nant'à a fini una vittoria 1-0 pà u spiazzamentu in Metz. Ind'u primu periudu, i bastiacci ani impostu una duminazioni forti à i lucali, appiendu numarosi uccasioni ma manchendu di rialisimu. Tuttu andava tandu à u meghju pà u Sporting, ma dopu à a pausa, i messini sò righjunti cù intenzioni più prununziati. I ghjucadori di Federicu Hantz sò in fatti passati accantu à u so sicondu periudu, lachendu troppu spazii à i so avversarii. Bastia hè ancu passatu vicinu à a disfatta à l'80a, postu chì una penalità di Bouby, chì dopu ad avè toccu u muntanti alti paria essa intrutu, ùn hè micca stata validata. È mentri chì s'avvicinava u risultatu à paru, Maoulida, bè sirvutu da Robail, hà scrittu a reta dicisiva à a 91a. Grazia à issu successu, u Sporting s'avvicina à un puntu di u sicondu è t'hà oramai trè punti d'avanza nant'à u quatriesimu.
Écoutez la réaction de l'entraîneur bastiais Frédéric Hantz, au micro de la chaîne CFOOT
Sur le même sujet
