Football (Ligue 2) - Le SC Bastia nettement battu à Furiani par Laval (0-3)
Sabbatu à sera, u SC Bastia ricivia à Laval.
I bastiacci spiraiani, vincindu issu scontru, essa di i trè primi llu campiunatu.
Ma sò stati subitu dillusi, contru à issa squadra urganizata bè, è chì d’altrondi hà marcatu in prima dopu à 27 minuti di ghjocu, via Roye.
À u posu, Bastia pirdia 1 à 0.
Pà a siconda parti llu scontru, ugnunu bramaia un cambiamentu di situazioni, com’è quiddu successu contru à Troyes.
Ma hè stata a squadra di Laval à fà crescia u scartu : passati 52 minuti, Dramé mittia un marcu contru à i soi po’, trè minuti dopu, Baudry rimittia di capu in a cabbia bastiaccia un calciu d’angulu.
U scontru si hè compiu cù issu marcu di trè à zeru pà Laval, chì hà presu u cumandu lla classifica cù issa vittoria.
