Football (Ligue 2) - Le SC Bastia enchaîne enfin en s'imposant à QRM (0-1)
U SC Bastia hà l’hà fatta à vincia dui volti di fila, andendu à piddà si in Quevilly i trè punti lla vittoria, cù un marcu di unu à zeru.
Pà issa 24esima ghjurnata llu campiunatu di siconda divisioni, a si hà miritata a vittoria, u Sporting !
In a prima parti llu scontru, marcatu da un ghjocu chjaru è seriu, Alferela hà prufittatu d’unu sbagliu di Pierret par marcà, dopu à 23 minuti. Dopu à u posu, i trè attaccanti – Alfarela, Bianchini è Charbonnier – ani datu parichji uccasioni à i bastiacci.
I vinti minuti finali sò stati à pena più cumplicati pà i bastiacci, ma ani sappiutu i Turchini, via un beddu travaddu di u so guardianu Placide, tena u risultatu. Quevilly, chì hà finitu in deci dopu à a sclusioni di Soumano, hà assaltatu a cabbia bastiaccia mentri l’ultimi minuti, ma ùn a l’hà fatta à vultà à marcu pattu. Da quand’iddi sò ghjunti Laslandes è Moretti à u cumandu, u Sporting ùn n’hà incasciatu marchi.
À a classifica, hè quindicesimu, cù cinqui punti d’avanzu à nantu à u primu à falà.
