Football (Ligue 2) - Le SC Bastia arrache le nul in-extremis à Auxerre (1-1)
Issendu si lacatu ghjocu è curaghju à u spuddatoghju pà un’ora, u SC Bastia si hè ripresu in l’ultima meza ora par piddà si infini u puntu lla partita patta in Auxerre, capifila lla classifica.
Sinu à tandu, u Sporting hà lacatu veda u peghju di ciò ch’iddu sà fà : à a malavia in attaccu è in difesa, i Turchini ani cuncessu un marcu dopu à un calciu d’angulu rimissu di capu da Junior Mendes, à a 38esima minuta.
Passata l’ora di ghjocu, intruti Conte, Tavarès è Santelli, si hè scitatu u Sporting, è à tempu si hè addurmintata un pocu Auxerre.
Tocchi 86 minuti di ghjocu, Conte mandaia a biscica à nantu à u palu d’Auxerre, ma l’hà ripresa è mandata in a cabbia di i lucali Alfarela.
U Sporting si hà pescu cusì, par miracula, u puntu lla partita patta, pocu miritatu à veda ni a prima ora di ghjocu, ma chì t’hà a so logica fighjulendu l’ultima meza ora.
À a classifica, u Sporting codda à a 15esima piazza, ma t’hà punti quant’è Dunkerque, chì hè a prima squadra à falà.