Football (Ligue 2) - L'énorme coup du SC Bastia qui s'impose à Laval et respire (1-2)
Pà u contu lla 30esima ghjurnata di u campiunatu di siconda divisioni, u SC Bastia si hà buscu una vittoria impurtantissima in Laval.
Dopu à una prima parti di scontru marcata da una bedda risistenza bastiaccia à l’assalti di i lucali, masimu gramazia à u guardianu Johny Placide, u Sporting hà capitalizatu una di i so pochi azzioni à l’entra di a siconda parti llu scontru : dopu à 52 minuti, sirvutu bè da Facinet Conte, Florian Bianchini hà marcatu pà i Turchini.
Com’è di solitu, sò bastati cinqui minuti à u Sporting par tirà si una badda in u pedi : Bohnert è Placide ùn issendu si intesi, Labeau Lascary marcaia pà i lucali.
Ma pianu pianu, i bastiacci ani ripresu u filu, è passati 84 minuti, dopu à un beddu centru di Siby, Conte facia passà, è di manera difinitiva, i bastiacci davanti.
Gramazia à issa vittoria, u SC Bastia ricodda à a quindicesima piazza è si teni trè punti di scartu cù Annecy, u primu à falà, postu chì Concarneau è Troyes ani persu.
Sabbatu ch’entri, ci sarà a pussibilità di passà davanti à Dunkerque è di fà crescia issu scartu.
