Football (Ligue 2) - L’ACA accroche Bordeaux (0-0) au terme d’un match électrique
L’ACA ricivia luni à sera à Bordeaux, pà u contu lla terza ghjurnata llu campiunatu di siconda divisioni.
In un stadiu guasgi pienu, i dui squadri si sò impignati à pruducia un beddu ghjocu ma, passati deci minuti, una sissantina di sustinidori di Bordeaux mittiani u rimisciu in a tribuna JB Poli : eppuri era stata intirditta da a prifittura, a so prisenza !
Ci hè statu tandu un beddu pidda para è uni pochi di baruffi.
Fatta fini, i forzi di l’ordini ani fattu escia da u stadiu issi pratesi sustinidori !
Arristatu pà un’ora, pudia infini ripiddà u macciu !
In a prima parti llu scontru, i dui squadri faciani un ghjocu paru, è à u posu u marcu era di zeru à zeru.
Vultati à nantu à u tarrenu, i dui squadri cuntinuvaiani à fà si valè ma, passati 53 minuti di ghjocu, Julien Benhaim, parvia d’un gattivu gestu, si piddaia una siconda carta giadda chì valia sclusioni.
Ridutti à deci, l’aiaccini ebbini tandu u pinseri d’ùn perda, lachendu u pussessu di u ballonu à Bordeaux, inveci di scopra si troppu in attaccu.
Ma quantunca, tocca a 70 esima minuta, li mancaia pocu à Bayala par marcà di capu !
Par compia issa partita bedda luttata, l’ACA si piddaia u puntu lla partita patta.
Par avali, ùn hà persu, a squadra d’Olivier Pantaloni, chì hè sittesima à a classifica cù cinqui punti !
Steti a senta Olivier Pantaloni
