Football (Ligue 1) - Un SC Bastia affaibli défait à Bordeaux (0-1)
(A redazzioni d'Alta Frequenza) - Calchì volta, a Lega 1 ci rigala partiti pocu appassiunanti, aldilà di u risultatu. Hè ciò chì s'hè passatu pà issu spiazzamentu di u Sporting Club di Bastia in Bordeaux, duva i lucali ani battutu i bastiacci 1-0 ind'un scontru micca bellu à fighjulà à dì la franca. Mentri chì i ghjucadori di Bordeaux, propiu losci ind'u ghjocu, ma chì si sò ripresi grazia à l'incapata decisiva di Diabaté à a 57a minuta, l'omi di Frédéric Hantz poni ghjustificà par contu soiu u so scontru micca uffensivu, par ùn dì trasparenti, da u numaru scemu di suspesi è feriti, chì hà forsa sciappatu a dinamica di i dui ultimi partiti. Senza un ondici cambiatu di manera cusì forti di pettu à issi causi, u Sporting avaria pussutu buscà si a vittoria pà issi Franci di pettu à a qualità assai assai bassa di u so avversariu. Nant'à issa partita, u risultatu à paru saria statu ghjustu, nisun di i dui squadri meritendu a vittoria, ma u Sporting avia nè i ghjambi, nè l'idei pà andà à circà l'egualisazioni. A zona rossa hè di più in più vicina pà i bastiacci, oramai quatordicesimi cù trè punti d'avanza di pettu à a prima squadra nentru.
Ecoutez l'entraîneur bastiais, Frédéric Hantz.
Sur le même sujet
