Football (Ligue 1) - L'AC Aiacciu une nouvelle fois défait face à Lorient (0-1)
Duminica, pà u contu lla sesta ghjurnata di prima divisioni, l’AC Aiacciu hà persu in casa soia contru à Lorient.
Ben’ch’iddi l’achini attaccatu bè, u scontru, l’aiaccini ùn a l’ani fatta à truvà una suluzioni, pittughjendu si à u bloccu brittonu.
U piccatu, una volta di più, hè statu quiddu d’un’attacca muta : l’aiaccini ani tiratu 16 volti versu a cabbia, ma ùn sò chè trè i tiri à essa ghjunti in u quadru. Centri, n’ani fattu 28, ma ùn ani pussutu intrappulà a difesa brittona.
Subitu dopu à u posu, Ouattara marcaia pà Lorient, dopu purtata una contr’attacca.
Fù quissu u solu marcu di u scontru.
Cù issa nova disfatta, l’ACA s’infaga in u fundu lla classifica, cù quattru punti di ritardu à nantu à u primu à ùn falà. Hè dighjà bedda cumplicata dunqua, a so situazioni, dopu à issi sei primi scontri.
Steti a senta à Olivier Pantaloni
Sur le même sujet
