Le Direct

Election du conseil municipal d'Ajaccio : ce qu'il faut retenir du discours de Laurent Marcangeli

Issu sabbatu, Laurent Marcangeli hè statu elettu merri d'Aiacciu. Prima di lintà u so discorsu, hà dumandatu una minuta di silenziu pà tutti i vittimi di u curonavìrus.

Laurent Marcangeli hà vulsutu dinò renda umaghju à quiddi chì ani cuntribuitu à mantena ugni attività mentri u cunfinamentu : i midicanti è i squadri di saluta, l’agenti llu sirviziu publicu, i impiicati di i supermarcati, o ancu i cumircianti.

A prima rispunsabilità d’issu mandatu sarà di cuntinuvà à fà fronti à issa crisa senza para, hà dittu u merri, chì hà ancu parlatu di i scoli, dindu ch’idd’era nicissaria chì i ziteddi ni ritrovini a strada, rispittendu u prutucollu sanitariu.

« A vita aiaccina ripiddarà », hà dittu Laurent Marcangeli, « è ci tuccarà, à no’, a cumuna, à essa chivi ». Po’ hà dittu à a so maiurità ch’idda t’avia più duveri chè dritti.

Laurent Marcangeli hà ancu parlatu di i sfidi ecunomichi è sanitarii à vena : « Issu mandatu chì cumencia, ùn la sapemu ind’iddu ci purtarà. Ed hè cù tanta umiltà ch’iddu ci tuccarà à pittughjà ci à i nosci rispunsabilità », hà dittu u merri, innanzi di mandà un missaghju à l’uppusizioni.
È à nomu d’iss’uppusizioni, Etienne Bastelica, Jean-André Miniconi è Jean-François Casalta ani presu a parolla.

Fatta fini, u cunsigliu municipali hà elettu i so 14 aghjunti.
Eccu ni a lista.