Des cas de trichinellose détectés après consommation de figatellu artisanal
(A redazzioni d'Alta Frequenza) - In un cumunicatu, l'Agenza regiunali di a Saluta di Corsica faci sapè chì parechji casi di trichinellosa, inghjinnati da una cunsumazioni di un listessu lottu di figatelli, sò stati trovi in cuntinenti da l'autorità sanitarii duranti ssu mesi d'aprili. Sicondu l'ARS, i parsoni malati ani cunsumantu figatellu crudu o micca cottu à cori, vindutu da un allivadori in Auddè (Corsica Suttana). A magnusca saria stata fatta sopralocu versu u 26 di ghjinnaghju di u 2015. U stock chì firmava di ssa fabricazioni hè statu cunsignatu pà fà analisi. I particulari sò invitati à ùn cunsumà micca carri purcina di a listessa urighjini è, s'elli n'ani cunsumatu, à cunsultà un medicu s'elli sò tocchi di una manera brutali da un frebba cù dulori muscularii assai intensi, accumpagnata da un sciaru in faccia è annant'à i palpettuli. S'elli t'ani sempri ssu figatellu, hè racumandatu di chjamà a DDCSPP di a Corsica Suttana à u 04 95 50 39 40.
Sur le même sujet
