Canari : s’avvicina a scustruzzioni di l’usina di tigliu
Un travaddu di quiddi unichi à u mondu : eccu ciò ch’iddu dissi Michel Prozic, u prifettu llu Cismonti, prisintendu a scustruzzioni di l’usina di tigliu di Canari, à ribaldonu dipoi l’anni sissanta, è ind’iddi sò passati in trenta anni vinti miliona di rimissa in istatu.
Issi travadda ani da attaccà di sittembri è ani da curra sinu à a fin’di maghju di u 2026, cumincendu cù a scustruzzioni di u bastimentu elettricu è di u scuncassadori, po’ passendu à quidda, più spittaculari, di u bastimentu principali, à torru à a SD80, chì hà da essa aparta in circulazioni altirnata mentri i travadda, cacciatu un deci di notti.
I travadda ani da custà setti miliona, cù un sguardu beddu attenti à l’ambienti : ani da essa fatti virifichi in deci punti llu Capicorsu, da veda s’iddi ùn sò francati i cinqui fibri di tigliu à litru d’aria. I virifichi fatti dipoi uttrovi ùn n’ani misuratu micca.
Steti à senta à Michel Prozic, u prifettu llu Cismonti.
Pà i merra capicursini, issa scustruzzioni si faci in cundizioni di cuncirtazioni è incù chjarura da a parti llu statu.
Sò sudisfatti di veda ch’iddu pudaria essa mantinutu u ricordu di l’usina, ma sò attenti quantunca ch’iddu si faccia l’affari senza francà u tempu privistu, ch’ùn li pari ghjusta d’ùn priveda chè quindici ghjorna d’arrestu di i travadda par quandu iddu franca i quaranta chilomitra à l’ora u ventu.
Steti à senta à Jean-Toussaint Morganti, u merri d’Ugliastru.
