Accidents de la route à Lozari et Mezavia
(A redazzioni d'Alta Frequenza) - Dui accidenti di a circulazioni sò accaduti issu dopu meziornu (marcuri). Appena nanzi à 6 ori, in Corsica Suprana, nant'à a cumuna di Lozari, un inticciu di fronti trà dui veiculi hà vistu ottu parsoni feriti di modu lighjeru. Iss'ultilmi sò stati traspurtati à l'uspidali di Calvi. In Corsica Suttana, versu 5 ori, una vittura è una motò si sò inticciati in Mezavia, à u nivellu di a zona cumirciali di Suartellu. I dui parsoni nant'à a motò sò stati tocchi, frà i quali una di modu gravi. Presi in carica à lestra da i servizii di succorsi, sò stati purtati dopu à l'uspidali di a Miséricorde.
Sur le même sujet
