Rennes - ACA : Ce dimanche à 17H00
(A redazzioni d'Alta Frequenza) - 34a ghjurnata di Lega 1, l'AC Aiacciu si spiazza issa dumenica in Brittagna, da ghjucà contr'à u Stade Rennais. U primu di i trè scontri in una settimana pà l'Aiaccini chì, à un'unità solu di a zona di rilegazioni, devini buscà u più punti pussibuli à tutti i patti da tena u so postu in prima divisioni francesi. I lucali elli, fermani nant'à una seria di trè vittorii à a fila, è vularani cuntinuà di issa manera quèi, pà andà à circà si un postu qualificativu pà l'Europa League. Da u cantu Corsu, omu s'arricorda ch'ella era ghjustu appuntu contr'à issa squadra brittona chì l'affari s'era rilanciatu à u mesi di dicembri scorsu, nanzi d'incatinà una bella seria. Forsa un segnu nanzi à u scontru di issa dumenica. Si pò nutà quattru assenzi ind'u gruppu "Rossu è Biancu", postu chì Lippini, Diawara è André sò suspesi, mentri chì N'Diaye hè sempri feritu. Un scontru da principià à 5 ori, à u Stadiu di a Route de Lorient.
