Reliquat de continuité territoriale : la dernière lecture
(A redazzioni d'Alta Frequenza) - "Soprattuttu è in priurità" : eccu comu l'amendamentu di Camille de Rocca Serra prisintava a distinazioni di u restu di l'inviluppu di cuntinuità tarrituriali à prò di a strada è di u caminu di farru. Soprattuttu è in priurità ma micca solu : hè cusì chì ss'inviluppu sarà adupratu, cù un terzu di l'ecunumii rializati didicatu à u sviluppu di a muntagna. Infini, l'Esecutivu di Corsica è u so cumitatu di muntagna sò stati vincidori, cù l'accordu di u ministru Baylet. U rurali ùn pirdarà micca dunqua l'inviluppu di u so uffiziu di i trasporti, è i prughjetti strutturanti pà i stradi è u caminu di farru ùn sarani mancu appena tralasciati. Piuttostu una mutualisazioni è micca un'uppusizioni, eccu u parè di Ghjuvan Filici Acquaviva.
Eccu l'intervista di u cunsighjeru esecutivu è presidenti di u cumitatu di muntagna.
