Primo-accédants: engagement de la CTC et des principaux établissements bancaires de l'île
(A redazzioni d'Alta Frequenza) - Si sà chì in Corsica oghji, l'accessu à a pruprietà hè di più in più difficiuli, particularmenti pà i ghjovani, cù una dumanda chì cresci à più pudè. Hè cusì chì a Cullettività Tarrituriali di Corsica hà dicisu di risponda à l'attesi di tutta una pupulazioni vulendu avè a so prima residenza principali è passendu pà un imprestitu sustinendu ghjustu appuntu ssu primu accessu grazia à un aiutu di 10 000 auri, accurdatu in funzioni di certi cundizioni. Ssa misura, effettiva dipoi parechji mesi, cunnosci un bellu successu d'altrondi, postu chì oghji, 766 cartulari sò stati posti è 525 sò stati finanziati pà in tuttu guasgi 5 millioni d'auri di suvvenzioni in Corsica. Da fà chì ssu dispusitivu sighi migliuratu è chì i dimarchji amministrativi di i benefiziarii sighini resi più faciuli, a CTC hà finalizatu ssu marti cù i stabilimenti bancarii isulani una cunvenzioni quadru pà furmalizà u partenariatu effettivu cù l'urganisimi finanziarii. À mezu à i stabilimenti principali di Corsica cuncirnati, c'hè a Caisse d'Epargne, particularmenti in leia cù i scopi difiniti da ssa cunvenzioni, com'è a ci spieca Pierre Labauvie, direttori pà a Corsica di u stabilimentu bancariu.
Stemulu à senta.
