Loi Garot : l'inquiétude des médecins libéraux
Ghjovi, a legi Garrot hà da essa pruposta à u senatu, è membri di l’URPS di i medichi libarali di Corsica ni sò beddi impinsiriti.
« Cusì, in i zoni supposti ben’dutati, a stallazioni di un medicu dipindaria d’un’auturisazioni data capunanzi da u dirittori ghjinirali di l’ARS.
Pà i medichi ghjiniralisti, iss’auturisazioni saria cundiziunata à unu ingagiamentu à travaddà una parti di u tempu in una zona menu furnita.
Pà i medichi spicialisti, l’auturisazioni saria cundiziunata sia à unu ingagiamentu cumpagnu, sia à l’arrestu di l’attività d’un cullega di stessa spicialità in a stessa zona.
Ramintemu ch’in u 2026, zoni straben’dutati ùn ci n’hè », dici l’URPS, chì spieca in seguitu chì « l’affari avaria par cunsiquenza a sparizioni di u medicu di famidda, chì hè quiddu chì a pupulazioni n’hà bisognu in prima »
Pà l’URPS di Corsica, « a risposta à a caristia midicali ùn si teni in l’ublicazioni o in i intirdizzioni ».
