Football (National) - Bérézina pour le FC Borgo face à Avranches (0-5)
Più và, è peghju hè, pà u FC Borgu. Pà a 16esima ghjurnata llu campiunatu di Naziunali, hà persu 5 à 0 in casa soia contru à Avranches.
À a malavia in difesa à tempu attaccatu u scontru, l’omini d’Alexandre Torres ani incasciatu un marcu di Kerouedan dopu à deci minuti. U stessu ghjucadori, passati cinqui altri minuti, mittia u sicondu marcu lla so squadra cù un calciu di pinalità.
Sacko ni mittia un terzu passati 24 minuti di ghjocu.
À pena dopu, Kerkour mancaia un calciu di riparu cuncessu à Borgu.
À pena ripresa a partita dopu à u posu, Sacko mittia u so sicondu marcu, u quartu pà a so squadra.
Infini, à a 72esima minuta, Boussaid mittia, via un calciu di riparu, u quintu marcu d’Avranches.
Ultimu di u campiunatu, è luntanu bè da a isciuta lla parti piriculosa lla classifica, u FC Borgu hà da avè bisognu di rimetta si in quistioni è d’attaccà a so ricustruzzioni. Certi ghjucadori, d’altrondi, avarani forsa ghjucatu a so ultima partita cù a maglietta burghisana.
Steti à senta à Alexandre Torres, l’addistradori burghisanu.
