Football (National 2) - Un SC Bastia décevant s'incline face à Sedan (0-1)
(A ridazzioni d'Alta Frequenza) - U primu scontru impurtanti lla staghjoni hè statu un fiascu pà u SC Bastia, chì hà persu – è in casa soia ! - 1 à 0 contru à Sedan, pà a quinta ghjurnata llu campiunatu di Naziunali 2
In a prima parti llu scontru, puri avendu u pussessu llu ballonu, ùn sò stati capaci i bastiacci à cuncritizà calcosa contru à issa squadra di Sedan, urganizata bè.
A siconda parti hè cuminciata ancu più mali, postu chì Durbant, lampatu in tarra da u bastiacciu Martin, si buscaia un calciu di riparu, ch’iddu marcaia d’altrondi da par iddu. Dopu à issu marcu, paria mancà à veru di carattaru a squadra bastiacci a, è hè ancu parsa modda è debbuli, tecnicamenti, incapaci di tribbulà i signara ch’issa volta, ùn erani corsi !
Cù issu ghjocu pocu garbatu, u Sporting ùn hà pussutu fà veda chè a so incapacità à vultà à marcu pattu, senza mancu parla di vincia...
À a classifica, u SC Bastia hè à trè punta llu so avvirsariu d’una sera, solu capifila, par avali, in Naziunali 2.
Sur le même sujet
