Football (Ligue 2) - Le SC Bastia s'impose enfin à l'extérieur en écrasant Dunkerque (0-5)
Photo : Gérard Baldocchi
Hà infini ripresu fiatu, u SC Bastia : pà a 17esima ghjurnata llu campiunatu di siconda divisioni, hè andatu à vincia 5 à 0 in Dunkerque. Tocca a siconda minuta, Okou, chì avia suvitatu bè un centru di Vincent, hà inchjudatu à Balijon da a intruta di l’arghja di riparu.
Novi minuti dopu, Alfarela, lanciatu da Vincent, mittia u so primu marcu lla staghjoni, è u sicondu lla sirata pà Bastia.
Contru à issa squadra bedda debuli, u Sporting hà sappiutu gistì u so avanzu è circà si altri uccasioni di marcu. Passata l’ora di ghjocu, Alfarela mittia u terzu marcu bastiacciu.
In fin’ di scontru, Tomi hà binifiziatu d’un calciu di riparu ch’iddu hà missu da par iddu. In u tempu in più, Alfarela sciaccaia u so terzu marcu lla sirata, quiddu di u cinqui à zeru par Bastia.
Cù issu beddu risultatu, u Sporting – chì ùn hà chè dui punti d’avanzu à nantu à Bordeaux, u primu à falà – ricodda quantunca à l’undicesima piazza, è si tranquillizighja un anghjicula, dopu à tanti i dubiti.
