Football (Ligue 2) - L'ACA met fin sa série de défaites et ramène un point important de Pau (1-1)
Photo : AC Aiacciu
Sabbatu à sera, l’AC Aiacciu si n’hè mossu à ghjucà in Pau, chì si teni in a mità suprana lla classifica di a siconda divisioni.
Dopu ad avè infilaratu uni pochi di disfatti, l’omini di Olivier Pantaloni t’aviani bisognu è nicissità di fà calcosa in u Béarn.
À pena attaccatu u scontru, u capitanu aiaccinu Thomas Mangani mittia un calciu di pinalità magnificu da i cinquanta metra.
Ma passati 23 minuti di ghjocu, è dopu à un calciu d’angulu, Ahoussou mittia i dui squadri à marcu pattu.
In a prima parti di u scontru, ci hè statu u ghjocu in i dui squadri. Ma dopu à u posu, l’affari hè statu più dissapitu, l’aiaccini impinsiriti impignendu si à tena issu puntu di a partita patta.
Gramazia à François-Joseph Sollacaro, u viaghju ùn fù fattu in darru.
Issu puntu presu fora hè un bon’risultatu, ma u scartu cù Troyes, a prima squadra à falà (è chì t’hà unu scontru di ritardu), ùn hè chè di quattru punti.
Vali à dì ch’iddu ni ferma sempri, strada à fà, par mantena si.
