Finances de la future Collectivité de Corse : très peu d'avancées significatives
(A redazzioni d'Alta Frequenza) - Riunioni nova ssu luni in Parighji trà u ministru di i Conti publichi Gérald Darmanin, a ministra pà u ministru di l’Internu Jacqueline Gourault è l’eletti corsi nant’à i finanzi di a futura cullittività unica. I ministri ani cunfirmatu chì a cullittività di Corsica tuccarà in u 2018 risorzi finanziari equivalenti di pettu à quilli chì sariani stati percepiti da i trè cullittività s’ella ùn c’era micca stata a fusioni, si pò leghja in u cumunicatu di u cabinettu di u ministru Darmanin. Cuncirnendu u scumpartimentu egualitariu di i risorzi, ministri è eletti isulani ani trovu un accunsentu nant’à u fattu chì u guvernu duvarà priveda una guaranzia di trè anni chì farà l’ughjettu di un asamini novu da quì à dui anni. A cullittività unica hà da apprufittà da un’antra banda di a dinamica forti di a TVA pà ciò chì tocca i risorzi novi pà tutti i regioni à partasi da u 2018. L’eletti corsi ani fattu cunnoscia a so brama ch’ella sighi presa in contu dinò a dutazioni di cuntinuità tarrituriali, risorza spicifica à a Corsica, inde ssu meccanisimu. I ministri si sò ingaghjati ad asaminà i pruposti cumplementarii chì sarani mandati da l’eletti corsi cuncirnendu ssa dutazioni.
Sur le même sujet
