Desserte maritime de la Corse et enquête de l'Europe : les précisions de la CdC
A cumissioni aurupeana hà apartu una inchiesta apprufundita pà u rimpattu cuncessu à a Corsica Linea è à a Méridionale, pà assicurà u sirviziu publicu lli traghjetta marittimi.
« Issa inchiesta hè a siconda tappa di a struzzioni di i diligazioni di sirviziu publicu, nutificati da a cumissioni in cunfurmità cù a rigulamintazioni aurupeana pà l’aiuti di statu, innanzi ch’iddi sichini fattivi i novi cunvinzioni.
A dicisioni di fà una inchiesta apprufundita veni in seguitu à novi lagnanzi sposti da a sucità Corsica Ferries à a cumissioni aurupeana, à a branata llu 2023 », dici a cullittività di Corsica in un cumunicatu.
« Issa nova tappa di a prucidura, ditta fasi d’asaminu furmali, hà da permetta à a Cullittività di Corsica di furniscia i pricisioni nicissarii à a cumissioni à nantu à i punti ind’idda cunsidarighja avè bisognu d’infurmazioni in più, da cunfurtà la in a so apprizziazioni iniziali.
À issu fini, a Cullittività hà da cuntinuvà à travaddà cù i sirvizia llu statu par arricà l’elementi di risposta dumandati, è uttena una dicisioni di cunsentu à u più prestu », dici in chjudenda u cumunicatu.
Sur le même sujet
