Yvan Colonna : omissions et dissimulations en questions au sein de la commission d'enquête parlementaire
Issu marcuri, sò cuminciati i dui primi ghjorna di l’audizioni lla cumissioni d’inchiesta parlamintaria supr’à l’assassiniu d’Yvan Colonna, successu in prighjoni cintrali d’Arles.
In apartura d’issu primu tempu, ind’iddi sò stati intesi i dui ultimi dirittori lla prighjoni, u diputatu Jean-Félix Acquaviva, prisidenti lla cumissioni, hà ramintatu quant’idda era impurtanti quissa chivi.
U so scopu hè di schjarì i prupositi di i primi audizioni di marzu llu 2022, chì sò ugnitantu in cuntradizzioni cù a inchiesta di a spizzioni ginirali lla ghjustizia, è di fà surghja a virità.
Jean-Félix Acquaviva dici ch’iddu hà avutu a pessima surpresa, lighjindu i chjudendi di a spizzioni ginirali lla ghjustizia, di veda chì a regula hè stata, pà i parsoni intesi, quidda di a rilativisazioni di certi prucidimenti, di a piattera o di l’umissioni, vuluntarii è gravi à senta lu, di fatti di primura in a ricirca lla virità.
Steti à senta à Jean-Félix Acquaviva.
Pà Laurent Marcangeli, diputatu è rapurtadori lla cumissioni, u cartulari di l’assassiniu d’Yvan Colonna devi permetta, al dilà di u fattu stessu, d’indittà i disfunziunamenti di a stituzioni pinitinziaria tutta, da tirà ni i insignamenta è fà ch’idd’ùn si vichini più situazioni cumpagni.
Steti lu à senta.
Pà u prisidenti, u rapurtadori, o i simplici membri lla cumissioni, i quistioni sò i stessi, è ancu i dubiti pà l’umissioni è i piatteri.
Micca surviglianza, micca signalisazioni di u cumpurtamentu di Franck Elong-Abè, accessu d’issa parsona à un travaddu in ditinzioni à pena 15 ghjorna dopu à un incidenti gravu è un piazzamentu in isulamentu : tutti i quistioni ani puntatu issi fatti.
Steti à senta un strattu d’issi quistiunamenta, chì ci insigna u sintimu ginirali dopu à issa prima ghjurnata.
Risposti ùn n’hà datu Corinne Puglierini, quidda ch’era sempri dirittrici lla prighjoni cintrali d’Arles calchì ghjornu innanzi à l’assassiniu d’Yvan Colonna.
Sur le même sujet
