Xavier Bertrand en Corse : entre inaugurations et concertations
(A redazzioni d'Alta Frequenza) - Xavier Bertrand hè in visita in Corsica oghji (ghjovi). Hà inauguratu stamani l'uspidali di Calvi, nanzi di scuntrà u cullettivu pà a saluta in piaghja urientali. Issu dopu meziornu hè statu cunsacratu à un'antra inaugurazioni, quilla di l'Unità di Curi Intensivi di psichiatria di l'uspidali di Castellucciu in Aiacciu. Una struttura muderna distinata soprattuttu à i curi di i pazienti ghjudicati "difficiuli" o à l'uspitalisazioni di i ditenuti. Una bella riescita pà u ministru di a Saluta, chì s'hè filicitatu di issa rialisazioni. Xavier Bertrand s'hè dittu dinò suddisfatu di l'avanzata di i cosi ind'u duminiu di l'onculugia. Pà ellu, l'affari avanzani à partasi da u mumentu chì a cunsultazioni trà i parsunali chì curani, Statu è urganisazioni sindicali si faci. U dialogu com'è parolla maestra, dinò di pettu à a numinazioni di un novu direttori pà l'ARS, eccu u sintimu di Xavier Bertrand.
Écoutez-le
Sur le même sujet
