Winterfall : un jeu vidéo Made In Corsica pour porter la culture corse au delà des frontières
(A ridazzioni d'Alta Frequenza) - Sò parichji anni ad avali chì Fab Mariani s’impegna in un veru sonniu : quiddu di dà vita à un ghjocu videò arradicatu in Corsica. È issu sonniu duvaria fà si veru da quì à pocu chì, dopu à un finanzamentu participativu riisciutu è bè, duvaria escia u ghjocu Winterfall. Hà da essa un ghjocu in mondu apartu, un RPG par quiddi chì cunnoscini l’affari, è chì s’assumiddaria à tempu à Skyrim, Zelda o Assassin’s Creed. Issu mondu apartu pidda vita in paisaghja imaginarii, ma chì n’ani una bedda tirata di a Corsica, è spicialmenti di a Castagniccia. À a fini lla prima trimisata llu 2019, u ghjocu duvaria essa prontu pà i PC, è a virsioni ditta « betà » duvaria escia da quì à pocu. Da fà issu prughjettu, Fab Mariani si hà buscu una manata di cullaburatori in tutta l’Auropa. Ma a infurmazioni principali, hè chì issu ghjocu hè fattu tuttu in lingua corsa, è unicamenti in lingua corsa. Ci sarani ben’intesa i suttititula in parichji lingui, ma l’aruina diciarà in corsu, è cù a voci di Doria Ousset, i parolli scritti da Paul Turchi-Duriani. Pà a musica, Frederic Antonpietri, di u cullittivu Corsica Sound, darà una stampa corsa, una di più, à issu ghjocu.
Stemu à senta à Fab Mariani
