Volley (Ligue B) - Le GFCA poursuit sur sa lancée face à Rennes (3-1)
Photo : GFCA
In Liga B di volley, sabbatu à sera à u Palatinu, u GFCA hà cuntinuvatu a so bedda infialsata di vittorii, vincindu trè mani à una contru à Rennes.
Contru à issa squadra brittona in difficultà dipoi l’iniziu di a staghjoni, u GFCA t’avia u favori di i prunostichi, ma a partita ùn hè stata cusì asatta. À i dui primi mani, i brittoni ani ancu datu calchì pinseri à l’aiaccini : a prima, i Diavuli Russi l’ani vinta 25 à 22, ma a siconda l’ani persa 25 à 23.
I dui altri mani l’hà vinti u Gazelec, 25 à 19 è 25 à 21.
Issa vittoria, più dilicata ch’idd’ùn si pinsaia à uttena, hè l’uttesima in ottu scontri pà u GFCA.
À trè scontri di u posu, eccu dunqua u billissimu bilanciu di i Diavuli Russi !
