Volley (Ligue B) - Le GFCA poursuit sa marche en avant aux dépens de Mende (3-1)
Photo : GFCA
In Liga B di volley, u GFCA hà vintu contru à Mende, piddendu si i punti lla vittoria à u Palatinu, cù un marcu di trè mani à una.
Contru à issa squadra ch’ùn hà ancu persu micca pà issu 2024, i ghjucadori di Frédéric Ferrandez ani fattu una partita seria è bedda ammaistrata.
A prima mani l’ani vinta l’aiaccini 25 à 20, po’ ani persu a siconda cù u stessu marcu.
I Diavuli Russi ùn ani lintatu nienti, è ani vintu i dui altri mani, 25 à 21 è 25 à 17.
Issa vittoria cù una squadra à pena indibulita è cù un’altra urganisazioni tecnica, permetti à l’aiaccini di piddà tredici punti d’avanzu à nantu à u terzu.
A squadra di Cannes, chì hà vintu ancu idda u so scontru, hè à tocca tocca cù u GFCA, insù di a classifica.
Sur le même sujet
