Vol à main armée dans une boulangerie ajaccienne
(A redazzioni d'Alta Frequenza) - C'hè statu un arrubecciu armatu ssu marcuri appena nanzi à 7 ori di sera in una panatteria di u quartieru Petralba in Aiacciu. Sicondu i primi elementi racolti ind'è i servizi di a prifittura di Corsica, dui parsoni avariani minacciatu u parsunali, prima di fassi rimetta u cuntinutu di a cascia. U preghjudiziu, chì ùn saria micca assai impurtanti, hè in traccia d'essa valutatu. Nimu hè statu feritu. Ùn si ni sà micca di più par avà, a Direzzioni dipartimintali di a securità publica hè in carica di l'investigazioni.
Sur le même sujet
