Visite de Marylise Lebranchu : la réaction de Jean-Christophe Angelini
(A redazzioni d'Alta Frequenza) - L'affari avanzani ! S'hè intesu què parechji volti arimani (luni) duranti a visita in Corsica di Marylise Lebranchu, ministra di a dicintralisazioni, di a riforma di u Statu è di a funzioni publica, ma avanzani micca troppu in furia. Parechji currenti pulitichi, è naziunalisti soprattuttu, pensani chì ciò chì hè statu annunziatu arimani da a ministra và ind'u sensu di ciò chì hè statu dittu duranti i visiti scorsi. L'idea ghjinirali, rammintemu la, è ùn emi micca da vultà nantu, hè di fà crescia à u più i pussibilità di u statutu attuali di a Corsica, vali à dì ghjuvà si di u meghju di l'istituzioni attuali prima di lancià si inde l'ultima tappa di a riforma custituziunali. Ssa visioni di i cosi hè stata prisintata parechji volti arimani, ciò chì ùn cunveni tantu à i muvimenti naziunalisti chì vulariani veda piuttostu andà più in furia u calendariu.
Steti à senta à Ghjuvan Cristofanu Angelini, pà Femu a Corsica, dopu à a riunioni di u famosu gruppu di travaghju.
Sur le même sujet
