Violence et mafioïsation de la Corse au menu d'un débat à l'Assemblée de Corse
U dibattitu di a viulenza è di i malavii maffiosi, purtatu da a cusì ditta « sucità civili » è da certi muvimenti pulitichi, l’assemblea di Corsica l’hà vulsutu fà soiu.
Ghjovi matina, ugni gruppu hà datu u so parè : custati par certi, provi di suluzioni par d’altri, ma rivuluzioni pulitica ùn ci n’hè statu.
U primu quistiunamentu hè statu simanticu : maffia, malavia maffiosa o pre-maffiosa, ugnunu ci vidi, à modu soiu, un cuntestu è a nicissità di a risposta chì li cunveni.
À nomu di u gruppu Corsica Libara, Petr’Antonu Tomasi hà vulsutu avvià un dibattitu sucitali. Si hè ancu quistiunatu à nantu à a natura d’issi viulenzi.
U stemu à senta.
À nomu di u gruppu « Andà par Dumani », Jean-Charles Orsucci hà parlatu di u rolu di u statu, è di quiddu llu sistema aducativu.
Stemu lu à senta.
Pà u PNC, Julia Tiberi hà missu in risaltu calchì ambiguità, è si hè impinsirita di veda affaccà un neci libarticidiu.
A stemu à senta
Infini, Gilles Simeoni, u prisidenti di l’esecutivu, hà dittu ch’individualmenti è cullittivamenti, ugnunu devi piddà a misura d’issa situazioni, è sarà urganizata da quì à pocu una sissioni accizziunali di l’Assemblea à issu fini.
À senta lu, ci voli à fighjulà ciò ch’idd’ani fattu i paesi altri chì si sò pittughjati à issi prublimatichi.
Steti à senta à Gilles Simeoni
Sur le même sujet
