Una campagna di finanziamentu participativu pà rializà un filmu nant'à Aleria 1975
(Michaël Andreani - Alta Frequenza) - "Aleria 1975 : le film" ! Eccu u prughjettu ch'elli ani dicisu di lancià l'attori Jean François Perrone, u rializatori Michè D'Onofrio è u scenaristu di figuretti Frédéric Bertocchini. Un'opara pà u sinemà, chì si voli arrimbà ghjustu appuntu à a figuretta "Aleria 1975", pà pudè stampà appena di più unu di l'evenimenti maiò di a storia cuntempuranea di a Corsica, ch'ella sighi à u nivellu puliticu ma dinò suciali. S'elli ci sò i cuntatti cù intrapresi di pruduzzioni in cuntinenti, i trè omi vulariani avè i pussibilità i più alti di tena a direzzioni pà riescia u scopu di rispittà a verità storica. Hè par quissa ch'ella hè stata lanciata ssu luni è pà 60 ghjorni una campagna di finanziamentu participativu nant'à a piattaforma move.corsica. L'idea : racoglia 50 000 auri à u minimu. (Pichjeti quì)
Steti à senta à Jean François Perrone.
