Le Direct

Un avocat Ajaccien Ambassadeur de l'ONG ONE de U2

(A ridazzioni  d'Alta Frequenza) - Una passioni pà U2 è pà u bè cumunu : bastaiani iss’affari à l’avucatu Philippe Gaillot-Bartoli, da circà à fà un passu cù « One  Sceltu trà cintunarii di parsoni, l’avucatu aiaccinu hè oramai ambasciatori di l’ONG One, fundata da Bono, u capifila llu gruppu. Iss’urganisazioni non guvirnamintali, chì accoddi è lia 9 milliona di parsoni, hè nata da luttà contru à a puvartà è contru à parichji malatii.  U ghjovanu avucatu aiaccinu sarà à fiancu à u famosu cantadori irlandesu, cù tutta a squadra di One, pà u G7 privistu in Biarrizza d’austu, suttu à a prisidenza d’emmanuel macron. L’urganisazioni purtarà u so missaghju, a vulintà di riducia i disigualità pà issu mondu. L’altru ughjittivu hè di cunvincia i candidati à l’alizzioni aurupeani di fà rispittà, in l’Unioni, u drittu à a saluta, à l’aducazioni, è l’ugualità trà omini è donni. Ghjustizia è riduzzioni di i disigualità, eccu i valori ch’iddu voli purtà l’ambasciatori corsu di One : sò quiddi di u so mistieri, ma sò dinò valori soi, simpliciamenti. Hè una bedda ricunniscenza pà Philippe Gaillot-Bartoli, chì riprisintarà, d’una certa manera, a Corsica è i so valori in u mondu, longu à l’annu 2019