U Marcatellu : quand la CAPA et les producteurs font vivre les circuits-courts
Marcuri, Xavier Lacombe, primu viciprisidenti lla CAPA è merri di i Peri, hà inauguratu u drive « U Marcatellu ».
A CAPA hà dunqua sceltu di stallà à nantu à u so tarritoriu un ardignu chì permetti di cumprà, ugni ghjornu è à tutta ora, prudutti nustrali di qualità.
Pà a cumunità d’agglumirazioni, si tratta chivi d’una bedda carta maestra pà i pruduttori è l’artisgiani : sò valurizati i circuiti curti, è a cumpitenza ecunomica lla CAPA pò viaghjà com’iddu ci voli.
Steti à senta à Xavier Lacombe.
U cunsumatori pò dunqua cumprà passendu supra à locu, ma ancu empia si a so sporta virtuali via l’appiicazioni, è ricuparà la à l’ora chì li cunveni.
Quiddi chì vendini a robba poni, via a piattaforma Le Kiosque, dirighja u distributori da luntanu (virificà i timpiraturi, suvità i cantari vioti, caccià si un fogliu Excel di i venditi, metta in ligna ritratti di i prudutti è spiicazioni…).
Cusì, si poni riappruvistà com’iddu ci voli i cantari vioti, da ch’idd’ùn manchi mai nudda di l’ufferta pruposta à u cunsumatori.
L’associu di pruduttori Tisori Nostri dici ch’iddu hè à veru un beddu arnesu, chì veni à cumplittà a vendita in diretta di u magazenu di San’Ghjiseppu.
Steti à senta à Jean-Eric Ragno, à nomu di Tisori Nostri.