Transports maritimes : touché coulé
(A redazzioni d'Alta Frequenza) - Hè dumani (ghjovi) è vennari chì l'assemblea di Corsica hà da studià i dui cartulari più cà difficiuli è chì sò traprisenti inde l'attualità dipoi parechji settimani : i trasporti. Ci voli à dì la à u plurali parchì chì i dui cartulari, aereu è maritimu, ani fattu nascia iss'ultimi tempi mumenti di tinsioni assai putenti cù a cullettività di Corsica, chì si pò dì à l'ingrossu ch'ella dà l'ordini in issa materia. À l'uccasioni di una cunfarenza di stampa data stamani, Paulu Giacobbi l'hà ditta forti : l'ecchisi sistema maritimu è aereu hà campatu è a ricustruzzioni di quissu quì sbucciarà da un'appiecazioni piena è sana di a legi, è nienti chè a legi. Ritornu dunqua à i fundamintali di u trasportu maritimu nant'à a Corsica, vali à dì u serviziu di basa solu nant'à u portu di Marseghja. Fora dunqua u serviziu cumplementariu pà l'istati è u famosu aiutu suciali à u passaghjeru traspurtatu, dui sistemi chì ùn vani più cù i grandi reguli aurupei in materia di trasporti maritimi. Mancu à pinsà dinò di stenda a dilegazioni di serviziu publicu à u portu di Tulò. A pruposta di l'uffiziu di i trasporti hè dunqua pricisa è si prisenta di sta manera : setti cargò misti bastani largamenti da traspurtà 410 000 passaghjeri à l'annu, vali à dì 34 000 à u mesi. Bastani dinò da fà travirsà un millioni è quattru centu mila metri lineari di marcanzii à l'annu parchì chì ci sarà in tuttu 46 travirsati à settimana è què 7 ghjorni nant'à 7 pà Aiacciu è Bastia. Vi lachemi da cantu a spiecazioni più cà putenti di stamani di u presidenti di l'Esecutivu, ma a si pò riassuma in un'infrasata : "ùn hè micca dunqua a DSP chì hè in causa ma a gistioni più cà pessima di a cumpagnia chì pratendi chì a CTC devi pacà l'addizioni di u so lascià corra". Ci campemu.
Retour donc à l'essentiel avec Paul Giacobbi.
Sur le même sujet
