Transports maritimes : le calendrier de l'Exécutif de Corse
(A redazzioni d'Alta Frequenza) - Dopu à l'aereu, u marittimu ! Ghjuvan Filici Acquaviva hà adunitu in fatti ssu marti a Cumissioni spiciali di l'eletti è di l'attori ecunomichi lucali, pà difiniscia u calendariu in materia di trasporti marittimi. U 13 di lugliu, in seenza di l'Assemblea di Corsica, sarà prisintatu u pianu di l'Esecutivu nant'à u dispusitivu di trasporti marittimi ; a cumpagnia regiunali sarà di sicuru integrata in ssu dispusitivu. U 5 è u 6 di sittembri, u raportu sarà prisintatu à l'Assemblea di Corsica è, s'ellu hè aduttatu, difinisciarà a cuncissioni nova in materia di trasporti marittimi da u 2017 à u 2027. C'hè stata un'assenza rimarcata ssu marti, quilla di a cumpagnia Corsica Linea chì si sà ùn hè mancu appena nant'à i pusizioni prisintati da l'Uffiziu di i Trasporti.
Steti à senta à Ghjuvan Filici Acquaviva, u presidenti di l'OTC.
