Sulidarità : les explications de non-signature de la déclaration commune de Corte
Dopu à a riunioni urganizata luni in Corti da Cori in Fronti par ciò chì tocca à a riprissioni, l’associu Sulidarità hà vulsutu spiicà « i raghjoni chì l’ani purtatu à ùn zifrà micca a dichjarazioni cumuna chì n’hè isciuta ».
« Dopu à a chjama lampata da Sulidarità, ‘emu rigritatu in prima ch’iss’iniziativa sichi stata ricuparata da un partitu puliticu, chì hà tempu hà dicisu di u quadru è di i mudalità d’issu ritrovu di manera unilatirali », dici l’associu.
« Mentri a riunioni, emu prupostu chì tutti l’urganisazioni di prighjuneri faccini insemi a cuurdinazioni di i varii iniziativi, inveci di lacà la à i pariti pulitichi, chì ben’intesa ci sariani stati assuciati.
A ridazzioni, fatta à pricipitera, d’una dichjarazioni cumuna trà urganisazioni chì par certi, ùn s’erani scuntrati chì da quand’era, ùn era par no’ bedda apprupiziu à issu mumentu, nè pà a forma nè pà u fundu. Ùn ci pudiami dunqua suttiscriva », dici l’associu.
« Issu scrittu ùn hè in cunfurmità cù i sfidi è cù a risposta chì devi essa data à a riprissioni accanita ch’iddi si patini certi ugni ghjornu. Al menu ch’idd’ùn si tratti par certi di mandà un missaghju à militanti impinsiriti è dubitosi di a stratigia avviata oghji », dici in chjudenda Sulidarità.
Sur le même sujet
