Start-ups corses à Las Vegas : zoom sur Compru in Corsu
(A redazzioni d'Alta Frequenza) - À mezu à i cinqui startups isulani chì ani da andà in Las Vegas pà u Consumer Electronic Show da u 5 fin'è l'8 di ghjinnaghju c'hè Compru in Corsu. U scopu di ssu situ è di ss'appiecazioni hè di valutà i cummerci è l'intrapresi chì a volini in tarmini di cursufunia, pà almanaccalli dopu, ciò chì parmetti à i cunsumatori d'andà inde intrapresi è cummerci cursofoni. Di fattu, sò 323 prufiziunali, in Corsica, ma dinò in cuntinenti è par unu ancu in Los Angeles ad essasi lanciati inde ss'avintura quì. Valurizà a lingua è a cultura corsa grazia à u tissutu ecunomicu, eccu u scopu di Compru in Corsu, chì và in Las Vegas par usservà ciò chì si pò fà in u mondu in ssu duminiu quì.
Steti à senta à Massimu Poli pà Compru in Corsu.
