Situation en matière d'approvisionnement de carburant : nouveau point des services préfectoraux
(A redazzioni d'Alta Frequenza) - A prifittura di Corsica Suttana hà publicatu ssu sabbatu in fin di matinata un cumunicatu novu cuncirnendu a situazioni in materia d'alimentazioni in benzina. Una distribuzioni nurmali di i stazioni serviziu ssu sabbatu. U dipositu petrulieru d'Aiacciu hè apartu dipoi 7 ori di mani è viaghja nurmalamenti. Partmetti di nutriscia i stazioni serviziu di u rughjonu d'Aiacciu è di a parti uccidintali di l'isula chì erain sarrati ss'ultimi ghjorni. U dipositu petrulieru di Lucciana cuntinueghja à viaghjà nurmalamenti da un'antra banda. Una maghjurità larga di i stazioni serviziu di l'isula t'ani stocks chì bastani pà ssa dumenicata. Una distribuzioni nova sarà urganizata ssu luni. I misuri chì guarantiscini una dispunibilità bastendu di a benzina sò mantinuti. Pà i vitturi, a limitazioni di a distribuzioni, pà vittura è à ghjornu, à 30 litri di benzina (diesel, senza piombu). Pà i camiò è i veiculi di trasportu in cumunu, a limitazioni di a distribuzioni, pà veiculu è à aghjornu à 100 litri di benzina. A riservazioni di una parti di u stock di certi stazioni serviziu selezziunatu pà i servizi priuritarii. U mantenimentu di l'interdizzioni di a distribuzioni di benzina ind'i recipienti purtevuli, com'è i jerrican. L'interdizzioni di fà fochi fin'è u 29 di maghju, pà limità i risichi di dibbieri micca ammaistrati inghjinnendu intarvinzioni di u SDIS, numarosi ss'ultimi ghjorni à ssu sughjettu. U Prifettu di Corsica lampa torna una chjama à u civisimu di l'autumubilisti è à a rispunsabilità di tuttu ognunu.
Sur le même sujet
